میدانښار (پژواک، ۲۰ غبرګولی ۱۴۰۳): د میدانوردګو امنیه قومانداني وايي، د دغه ولايت په سیداباد ولسوالۍ کې د یو ټکسي موټر چپه کېدو له امله يوې مېرمنې ژوند له لاسه ورکړی او څلور تنه نور ټپيان شوي دي.
د میدانوردګو امنیې قوماندانۍ په خبرپاڼه کې راغلي چې ياده پېښه تېر ماښام اووه نيمې بجې د موټر د ډېر سرعت له امله رامنځته شوې ده.
په خبرپاڼه کې زیاته شوې، دغه پېښه د سیدباد ولسوالۍ د شنیز درې اړوند د منګلیو په سیمه کې رامنځته شوې چې له امله یې یوې ښځې ژوند بایللی او څلور تنه نور چې نارینه دي، ټپيان شوي دي.
سرچينه وایي، د پېښې ټپيان د امنیتي ځواکونو له لوري روغتون ته لېږدول شوي دي.
Views: 7
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن