ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

پکتيا کې د اوو رغنيزو پروژو چارې پيل شوې

پکتيا کې د اوو رغنيزو پروژو چارې پيل شوې

author avatar
11 Jun 2024 - 16:42
پکتيا کې د اوو رغنيزو پروژو چارې پيل شوې
author avatar
11 Jun 2024 - 16:42

ګردېز (پژواک، ۲۲ غبرګولی ۱۴۰۳): د پکتيا ولايت په مرکز ګردېز ښار او زرمت ولسوالۍ کې د ۱۳ میلیون افغانیو په لګښت د اوو رغنیزو پروژو چارې پيل شوې.

د پکتيا سينديزې فرعي حوزې رييس مولوي محمدکريم فاتح پژواک ته وويل چې په يادو پروژو کې د کانالونو او ګبين دېوالونو جوړول، د سربندونو ترميم او د سېلابي اوبو ذخیره کولو د دوو لويو حوضونو پاکول شامل دي.

هغه وویل چې پر یادو پروژو د ملګرو ملتونو د خوړو او کرنې ادارې له لوری ۱۳ میلیون افغانۍ لګول کېږي چې په ترڅ کې به يې پنځه سوو کسانو ته د کار زمینه هم برابره شي.

د فاتح د معلوماتو له مخې، د یادو پروژو له جملې دوه یې په مرکز ګردېز او پنځه نورې یې په زرمت ولسوالۍ کې دي چې چارې به یې د شپږو میاشتو په موده کې بشپړې شي.

هغه وویل چې د دغو پروژو په بشپړېدو سره به د اوبو د ضایعاتو مخه ونیول شي او ترڅنګ به یې د ځمکو خړوبولو لپاره هم اوبه هم برابرې شي.

بل لورته خلک هم د یادو پروژو پلي کېدو ته خوښ دي.

د زرمت ولسوالۍ د کوتي‌خېلو کلي یوه اوسېدونکي شاه‌محمد پژواک ته وويل چې د یادو پروژو په پلي کېدو سره به کروندګر وکولای شي په اسانۍ سره خپلې ځمکې خړوبې کړي.

هغه وويل: «پنځوس کاله پخوا دلته د اوبو ذخیره کولو لپاره دوه لوی ډنډونه جوړ شوي وو خو په دې وروستيو کلونو کې د سېلاب راوتو له امله له خاورو او ډبرو ډک شوي چې د اوبو ذخیره کولو ظرفيت يې کم شوی خو چې اوس پاک شي بېرته به اوبه ډېرې ذخیره کړي.»

د یادې ولسوالۍ یو شمېر نورو اوسېدونکو هم ورته څرګندونې وکړې او له حکومتي مسوولینو یې په دې ولسوالۍ کې د نورو کانالونو او سربندونو د جوړولو غوښتنه وکړه.

ورته موضوع

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.