اېبک (پژواک، ۳ چنګاښ ۱۴۰۳): سمنګان کې امنیتي سرچینې وايي، یوه ځوان د دغه ولایت په خرم سارباغ ولسوالۍ کې خپل پلار د چرهیي ټوپک په ډز وژلی دی.
د سمنګان امنیې قوماندانۍ ویاند حشمتالله رحماني پژواک خبري اژانس ته وویل، یوه ځوان د جمعې ورځ (د چنګاښ لومړۍ نېټه) د خرم سارباغ ولسوالۍ مربوطاتو کې خپل پلار وژلی دی.
رحماني زیاته کړه: «یاد ځوان وروسته له هغه خپل پلار د چرهيي ټوپک په ډز وژني چې د یوې نامعلومې موضوع په اړه بحث کاوه او له سیمې تښتي چې وروسته له پنځو ساعتونو د امنیتي ځواکونو له خوا نیول کېږي.»
نوموړي د یاد قتل لامل او انګېزه کورنۍ شخړې او جنجالونه وبلل.
هغه څرګنده کړه چې پر قتل تورن کس د لا ډېرو څېړنو په موخه تر نظارت لاندې دی.
Views: 6
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن