قلعهنو (پژواک، ۳ چنګاښ ۱۴۰۳): د بادغیس امنیه قومانداني وایي، د دغه ولایت په غورماچ ولسوالۍ کې یې شپږ کسان د ځنګلونو وهلو په تور نیولي دي.
دغه څرګندونې د بادغیس ولایت امنیه قوماندانۍ په یوه خبرپاڼه کې کړي دي.
سرچېنې لیکلي، یاد کسان د غورماچ ولسوالۍ په «شرشر» سیمه کې د دغه قوماندانۍ د شنې قطعې (د ځنګلونو ساتنې قطعې) له لورې نیول شوي دي.
خبرپاڼه کې راغلي چې د نیول شویو کسانو قضیې اړوند ادارو ته سپارل شوې دي.
