کابل (پژواک، ۱۴ چنګاښ ۱۴۰۳): د برازیل دولت اعلان کړی چې د دغه هېواد په سوېل کې د بېمخنیې سېلابونو له امله ۱۸۰ کسان مړه شوي دي.
نړۍوالو رسنیو نن د برازیلي چارواکو له قوله راپور ورکړی چې د دغو سېلابونو له امله ۳۲ کسان نادرکه شوي هم دي.
برازیل کې د ژغورنې او موندنې ادارې ویلي چې سېلابونو د دغه هېواد د سوېل په ۴۷۸ ښارونو کې ۲،۳۹ میلیون کسان اغېزمن کړي دي.
دغې ادارې زیاته کړې، اوسمهال ۴۵۰ زره کسانو خپل کورونه پرېیښي او امن ځایونو ته لېږدول شوي دي.
د یادونې ده، د برازیل په سوېل ریوګرانډ دوسول ایالت کې له تېرو څو اونیو سېلابونه جریان لري او د دغه ایالت ډېر ښارونه اوبو لاندې کړي دي.
د برازیل دولت ویلي چې ۱۵،۴ میلیارده ډالر یې د ویجاړو شو سیمو بیارغونې لپاره ځانګړي کړي دي.
Views: 23
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن