پلعلم (پژواک، ۲۵ چنګاښ ۱۴۰۳): د لوګر امنیه قومانداني وایي چې د دغه ولایت په محمداغې ولسوالۍ کې په دوو جلا پېښو کې د یوه قومي مشر په ګډون دوه کسان وژل شوي دي.
د لوګر امنیې قوماندانۍ ویاند مولوي احمدالله انس پژواک خبري اژانس ته وویل، د محمداغې ولسوالۍ په کیشم سیمه کې د کورنۍ ستونزو له امله یوه پلار خپل ۱۸ کلن زوی په چړې وهلې او وژلی یې دی.
د نوموړي په خبره قاتل نیول شوی او څېړنې ترې روانې دي.
انس زیاتوي، د همدې ولسوالۍ په دهنو کلي کې تېره ورځ غرمه شاوخوا ۱۲ بجې ناپېژانده کسانو د عبدالحبیب په نوم یو قومي مشر په ډزو وژلی دی.
هغه زیاته کړه، یاده پېښه د امنیتي ځواکونو تر څېړنې لاندې ده او قاتلین به ژر ونیول شي.
د محمداغې ولسوالۍ یوه اوسېدونکي احمد خالد پژواک ته وویل چې پر یادو پېښو خبر دی.
هغه ټینګار وکړ چې امنیتي ځواکونه باید د دغه شان پېښو د مخنیوی لپاره جدي هلې ځلې وکړي.
Views: 24
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن