چاریکار (پژواک، ۲۷ چنګاښ ۱۴۰۳): د پروان د بدني روزنې او ورزش امریت مسوولینو د دغه ولایت له مرکز او ولسوالیو د ۱۱ ټيمونو په ګډون د غوره لیګ سیالیو له پیلېدو خبر ورکړی دی.
د پروان د بدني روزنې او ورزش امر عیدالظاهر خالقیار وایي چې له درېیو کلونو وروسته دا لومړی غوره لیګ سیالۍ دي چې د چاریکار په ورزشي سټډیوم کې ترسره کېږي.
هغه وویل چې د سیالیو لومړۍ لوبه کې د چاریکار ښاروالۍ لوبډلې د جبلالسراج لوبدلې ته یو پر صفر ماته ورکړه او بریا یې خپله کړه.
د پروان د بدني روزنې او ورزش امر وویل چې په دغو سیالیو کې د ښاروالۍ لوبډلې یوه لوبغاړي یاسر جان د ښه ګولوهونکي لقب خپل کړ.
د پروان د بدني روزنې مسوولینو په خبره، د فوټبال دغه لوبې به تر درېیو میاشتو دوام وکړي.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن