کابل (پژواک، ۲۷ چنګاښ ۱۴۰۳): د افغانستان د فوټبال فدراسیون وايي چې د هېواد د فوټسال غوره لیګ درېیم پړاو سیالۍ راتلونکې جمعه (د چنګاښ ۲۹مه) پیلېږي.
د افغانستان د فوټبال فدراسیون پر فېسبوکپاڼه د یوې اعلامیې په خپرولو سره لیکلي چې دغه سیالۍ د هېواد د فوټبال فدراسیون د فوټسال کمېټې په جمنازیوم کې ترسره کېږي.
په یادو سیالیو کې به شمس هرات، اریا فورج، زیتون، اتحاد هرات، برادران خواجهزاده، ظاهراسد کابل، صداقت، جوانان میهن، سعادت نیمروز او پیروزي پنجشېر ټیمونه ګډون کوي.
د دغو سیالیو لومړۍ لوبه د راتلونکې جمعې په ورځ مازدیګر پنځه بجې د شمس هرات او ظاهراسد ټیمونو ترمنځ ترسره کېږي.
Views: 8
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن