مهترلام (پژواک، ۳ زمری ۱۴۰۳): د لغمان امنیه قومانداني وایي، تېر ماښام د کابل – جلالاباد پر لویه لار د لغمان ولایت د قرغیو ولسوالۍ په مربوطاتو کې د ترافیکي پېښې له امله یوه ماشومه مړه شوې او اووه کسان نور ټپيان شوي دي.
د لغمان ولایت د امنیې قوماندانۍ ویاند یونس یوسفزي پژواک خبري اژانس ته وویل، تېر ماښام اووه بجې د کابل – جلالاباد پر لویه لاره د لغمان ولایت د قرغیو ولسوالۍ اړوند (سپينې تاڼې) سیمه کې د یو سراچه او ټیلر موټر د ټکر له امله یوه ماشومه نجلۍ مړه شوې او د دوو مېرمنو په ګډون اووه کسان ټپيان شوي دي.
د نوموړي په وینا، د پېښې ځای ته په وخت د لغمان د ترافیکو مدیریت مسوولین رسېدلي او ټپیان یې د لا ښې درملنې په موخه د ننګرهار حوزوي روغتون ته لېږدولي دي.
د پېښې علت د موټرچلوونکو بېاحتیاطي ښوودل شوې ده.
GET IN TOUCH
NEWSLETTER
SUGGEST A STORY
PAJHWOK MOBILE APP