کابل (پژواک، ۸ زمری ۱۴۰۳): د افغانستان ملي دفاع وزارت وایي، هغه مکتوب جعلي دی چې ځینو رسنیو خپور کړی او له مخې یې ادعا کړې چې د چین په همکارۍ په بګرام کې د بېپیلوټه الوتکو ضد سیستم فعالېږي.
زاویهنیوز پر خپله فېسبوکپاڼه یو مکتوب خپور کړی چې ګواکي د ملي دفاع وزارت له خوا د ستراتیژیکو استخباراتو معاونیت ته استول شوی دی.
د یاد مکتوب ـ چې د ملي دفاع وزارت وایي جعلي دی- کټ مټ متن داسې دی: «داچی د هیوادهوایی حریم په اختیارکی نه لرواوفضاموتراشغال لاندی ده دچین هیوادله چارواکوسره په دی موردخبری شوی دی چی په راتلونکی کی به پری عملاکارپیل کړوموخه موداده چی یادسیستم ترتیب اوتنظیم لپاره مسلکی بااستعداده اشخاصوته ضرورت ده دترانسپورت اوهوانوردی وزارت سره په ګډه همکاری ترتیب برابرکړی.»
زاویه نیوز ادعا کړې چې چين دا مهال له «طالبانو» سره کار کوي څو د بګرام هوايي ډګر کې د بېپيلوټه الوتکو ضد سيستم ځای پر ځای کړي.
خو د ملي دفاع وزارت ویاند عنایتالله خوارزمي په دې اړه پر خپلې اېکسپاڼې لیکلي چې دغه څرګندونې بېبنسټه دي.
خوارزمي لیکلي چې په رسنیو کې د یو جعلي مکتوب پر بنسټ د چین په همکارۍ په بګرام کې د «ډرون طیارو ضد سیستم» نصبولو ادعا په بشپړه توګه بېبنسټه او له واقیعته لرې ده.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن