افغانستان کې په لومړي ځل د موټر چلولو برېښنایي لایسنسونه ورکول کېږي

کابل (پژواک، ۱۳ زمری ۱۴۰۳): د کورنیو چارو وزارت وايي چې په نږدې راتلونکي کې به په ټول هېواد کې د موټرچلولو برېښنایي لایسنس ورکولو لړۍ پیل شي.

د کورنیو چارو وزارت ویاند مفتي عبدالمتین قانع دغه خبر نن پر خپله اېکس‌پاڼه خپور کړی دی.

هغه زیاته کړې، افغانستان کې به په لومړي ځل له نړۍوالو سټنډرډونو سره سم د برېښنایي لایسنس ورکړه پیل شي چې په دې سره به د غیرقانوني لایسنسونو مخنیوی وشي.

د سرچینې د معلوماتو له مخې، د برېښنايي لایسنس په وېشلو سره به د ترافيکي پېښو مخنيوي ترڅنګ د ترافیکو برخه کې ډېر نور مثبت بدلونونه هم رامنځته شي.