کابل (پژواک، ۲۷ زمری ۱۴۰۳): د اسلامي امارت رییسالوزراء ملا محمدحسن اخند د صحي معایناتو لپاره متحده عربي اماراتو ته تللی او د دغه هېواد د دولت رییس، محمد بن زاید ال نهیان یې عیادت کړی دی.
د اسلامي امارت ویاند ذبیحالله مجاهد پر خپله اېکسپاڼه لیکلي، محمد بن زاید ال نهیان د رییسالوزراء د عیادت ترڅنګ عربي متحده اماراتو ته د هغه په سفر خوښي څرګنده کړې او ویلي یې دي: «عربي متحده امارات د خپل ورور هېواد افغانستان د بیارغونې برخه کې د هغه ملاتړ کوي.»
مجاهد زیاته کړې، د افغانستان رییسالوزراء هم د عربي متحده امارات دولت د رییس له عیادت څخه خوښي څرګنده کړه او د دواړو هېوادونو ترمنځ یې د «ورورولۍ اړیکو» پر ټینګېدو ټینګار کړی دی.
په دغه سفر کې د اسلامي امارت لوړپوړی غړی انس حقاني د رییسالوزراء ملتیا کوي.
GET IN TOUCH
NEWSLETTER
SUGGEST A STORY
PAJHWOK MOBILE APP