کابل (پژواک، ۲۸ زمری ۱۴۰۳): د افغانستان کرکټ بورډ وایي چې د کرکټ ملي لوبډلې دوه لوبغاړي راشدخان او نوینالحق نن سهار هېواد ته را ستانه شول.
کرکټ بورډ نن پر خپله فېسبوکپاڼه لیکلي چې د افغانستان د کرکټ ملي لوبډلې ځلانده ستوري راشدخان او نوینالحق نن سهار کابل ته را ورسېدل.
دغهراز، د افغانستان د کرکټ بورډ ویاند سیدنسیم سادات نن پژواک ته وویل چې راشدخان او نوینالحق ته د ډاکټرانو له لوري درې درې اونۍ استراحت ورکړل شوی او دا چې په شپږیزه لیګ کې به دواړه ولوبېږي او کنه، دا د دوی په روغتیا پورې اړه لري.
دا په داسې حال کې ده چې د تېرې زمری میاشتې په ۲۳مه د افغانستان د کرکټ ملي لوبډلې بل لوبغاړی محمدنبي هم هېواد ته راستون شوی او اوس په شپږیزه لیګ سیالیو کې مس عینک لوبډله کې لوبېږي.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن