فېروزکوه (پژواک، ۴ وږی ۱۴۰۳): غور کې امنیتي سرچینې د نشهیي توکو د قاچاق، پېر او پلور په تړاو د څلورو کسانو د نیول کېدو خبر ورکوي او وايي چې له دغو کسانو څخه څه باندې ۱۸۰ کیلوګرامه نشهیي توکي ترلاسه شوي دي.
د غور د امنیې قوماندانۍ ویاند مولوي عبدالرحمن بدري وايي: «د دغه ولایت د پسابند ولسوالۍ له نشهیي توکو سره د مبارزې پولیسو څلور کسان له ۱۸۵ کیلوګرامه اېف ډوله نشهیي توکو سره نیولي دي.»
هغه وویل چې له اېف څخه د شیشي نشهیي توکو جوړولو لپاره ګټه اخیستل کېږي.
نوموړي زیاته کړه، دغه خلکو یاد مواد په دوو لوکسل موټرونو کې ځای پر ځای کړي وو او غوښتل یې نورو ولایتونو ته یې انتقال کړي.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن