ټایلېنډ کې سېلاب ۲۲ کسان وژلي

کابل (پژواک، ۵ وږی ۱۴۰۳): د ټالینډ چارواکي وايي چې د دغه هېواد په څو ایالتونو کې د سېلابونو راتلو له امله لږ تر لږه ۲۲ کسان مړه او ۱۹ نور ټپیان شوي دي.

رسنیو راپور ورکړی چې په مړه شوو کې یوه روسۍ جوړه او نهه میانماري پناه‌غوښتونکي هم شامل دي.

ټالېنډي چارواکو ویلي، دغو سېلابونو کې ۳۰ کورنۍ هم زیانمنې شوې دي.

د ویلو ده، سېلابونو د بانکوک په ګډون د ټایلېنډ په سوېلي ایالتونو کې د اوبو کچې ډېرېدو خطر هم ډېر کړی دی.