کابل (پژواک، ۷ وږی ۱۴۰۳): د اوبو او برېښنا وزارت وایي، له یوې جاپانۍ موسسې سره یې د ۷۱۰ زره ډالرو په ارزښت هوکړهلیک لاسلیک کړی چې له مخې به یې ننګرهار ولایت کې د اوبو لګولو کانالونو د ۱۱ پروژو ساتنه او مراقبت ترسره شي.
د اوبو او برېښنا وزارت له لوري نن په خپره شوې خبرپاڼه کې راغلي چې یاد هوکړهلیک د دغه وزارت سرپرست ملا عبداللطیف منصور او د جاپان د پياېماېس موسسې مسوول انجنیر دیدار مشتاق ترمنځ لاسلیک شو.
خبرپاڼه کاږي، د دغه هوکړهلیک له مخې به د ۷۱۰ زره ډالرو په ارزښت د درې کلونو په موده کې په ننګرهار ولایت کې د اوبو لګولو کانالونو د ۱۱ پروژو حفظ او مراقبت ترسره شي.
د خبرپاڼې د معلوماتو له مخې، یاد شمېر کانالونه په ټوله کې ۲۳۷۷۵ هکټاره ځمکه خړوبوي چې ۵۶۶۰۰ کورنۍ به ورڅخه ګټه واخلي.
Views: 0
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن