کندهار (پژواک، ۷ وږی ۱۴۰۳): د کندهار ځايي مسوولین وایي، تېره ورځ د دغه ولایت په سپينبولدک ولسوالي کې د جانمحمد په نوم یوه کس د چړې په واسطه د خپلې مېرمنې غاړه پرې کړې او وژلې یې ده.
د کندهار ولایت د سپينبولدک ولسوالۍ امنیه قوماندان مولوي محمود پژواک خبري اژانس ته وویل، تېره ورځ د دې ولسوالۍ په غلامفاروق کلي کې یوه کس خپله مېرمن وژلې ده.
هغه وویل، دغه مېرمن چې بيبي امینه نومېده، د خپل خاوند جانمحمد له لوري یې د چړې په واسطه غاړه پرې شوې او وژل شوې ده.
د نوموړي په خبره، وژل شوې مېرمنې شل کاله عمر درلود چې شپږ میاشتې مخکې د فاریاب ولایت اوسېدونکي جانمحمد ته واده شوې وه.
د هغه په خبره، جانمحمد له سیمې تښتېدلی او د پېښې انګېزه لا هم نه ده معلومه خو له دې وړاندې ورته ډېر شمېر پېښې د کورني تاوتریخوالي له امله رامنځته شوې دي.
Views: 0
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن