کابل (پژواک، ۸ وږی ۱۴۰۳): د اوبو او برېښنا وزارت وايي چې د میدانوردګو د بهسودو په لومړۍ او دویمه حصه ولسوالیو کې د ۱۰،۴ میلیون افغانیو په لګښت دوه چکډیمونه جوړ شول.
د اوبو او برېښنا وزارت له لوري نن په خپره شوې خبرپاڼه کې راغلي چې دغه چکډیمونه د ۹۰ زره مترمکعب اوبو زېرمه کولو وړتیا لري.
خبرپاڼه کاږي چې د دغو چکډیمونو جوړولو لګښت د اوبو او برېښنا وزارت له پرمختیایي بودجې ورکړل شوی او چارې یې د یاد ولایت د سیندیزې حوزې تر څارنې لاندې ترسره شوې دي.
سرچینه زیاتوي، له پلان سره سم د میدانوردګو ولایت په ټولو ولسوالیو کې د اوبو یوه یوه کوچني بند جوړولو پروژو پلې کېدل بشپړ شول.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن