پلعلم (پژواک، ۱۵ وږی ۱۴۰۳): د لوګر حکومتي چارواکي وایي چې د دغه ولایت د لوړو زدهکړو موسسه کې د کمپیوټرساینس او پالیسي او عامه ادارې پوهنځي پرانیستل شول.
په دې اړه جوړې شوې غونډې ته د لوګر د لوړو زدهکړو موسسې ريیس مولوي ضیاالاحمد صارم وویل، د لوړو زدهکړو وزارت له منظورۍ وروسته د لوګر لوړو زدهکړو موسسه کې دوه نوي پوهنځي پرانیستل شول.
هغه زیاته کړه، دغه موسسه څلور نور پوهنځي هم لري خو اوس په کې د کمپیوټرساینس او عامه ادارې پوهنځي هم پرانیستل شول.
صارم زیاته کړه، د پخوا په پرتله د لوګر د لوړو زدهکړو موسسې د پام وړ پرمختګ کړی؛ ځکه دا مهال محصیلین مجهز کتابتون، کمپيوټرلب او د لابراتوار څانګې هم په واک کې لري.
بلخوا، د لوګر ولایت مرستیال مولوي محمدانور دینپرور وویل، اسلامي امارت ځوانانو ته د لوړو زدهکړو برابرولو برخه کې خپلې هڅې دوه برابره زیاتې کړې دي.
نوموړي له محصلینو وغوښتل چې یوازې د پوهنتون په درسونو بسنه ونه کړي، بلکې هڅه دې وکړي چې په خپلو څانګو کې نوره مطالعه هم ولري.
د لوګر د لوړو زدهکړو موسسې یوه محصل عبدالرووف پژواک ته وویل، د پخوا په پرتله په دې موسسه کې د پام وړ بدلونونه راغلي دي.
نوموړي د لوړو زدهکړو له وزارته وغوښتل چې ژر تر ژره د دغه ولایت لوړو زدهکړو موسسه د پوهنتون کچې ته لوړه کړي.
د یادونې ده، دا مهال د لوګر د لوړو زدهکړو موسسه کې ۱۲۰۰ محلصین په بېلابېلو څانګو کې پر زدهکړو بوخت دي.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن