کندهار کې ناپېژانده کسانو یو تن په ډزو وژلی

کندهار (پژواک، ۲۸ وږی ۱۴۰۳): د کندهار امنیه قومانداني وایي، د دغه ولایت په پنجوایي ولسوالۍ کې ناپېژانده کسانو یو تن په ډزو وژلی دی.

د کندهار ولایت امنیه قوماندانۍ ویاند ملا اسدالله جمشید پژواک خبري اژانس ته وویل چې دغه پېښه تېره شپه د پنجوایي ولسوالۍ پهزلخان سیمه کې شوې ده.

هغه وویل چې یاد کس د ناپېژانده موټرسایکل سپرو له لورې په ډزو وژل شوی دی.

د پنجوايي ولسوالۍ د زلخان سیمې یو تن اوسېدونکی چې نه غواړي نوم یې خپور شي وایي، وژل شوی کس ملک اسماعیل نومېده او پهدغه سیمه کې د اسماعیل نومې کلي ملک و.

هغه وویل چې دغه کس شخصي دښمني هم لرله.