«سوېلي وزیرستان کې شپږ پاکستاني پوځیان وژل شوي او لس نور ټپیان دي»

کابل (پژواک، ۳۰ وږي ۱۴۰۳): راپورونه وایي چې وسله‌والو په سوېلي وزیرستان کې د پاکستان پوځ پر یوه پوسته برید کړی چې په ترڅ کې یې شپږ پوځیان وژل شوي او لس نور ټپیان دي.

د مشال راډیو د راپور له مخې، دغه برید نن (د وږي ۳۰مه) سهار وختي په «لده تحصیل» سیمه کې شوی دی.

یوې امنیتي سرچینې مشال راډیو ته ویلي چې وسله‌والو د پاکستاني پوځ پر پوسته برید کړی چې له امله یې شپږ پوځيان وژل شوي او لس نور ټپیان دي.

سرچینې زیاته کړې چې د دواړو لورو ترمنځ تر ډېره وخته ډزې کېدې، خو د وسله‌والو د مرګ‌ژوبلې په اړه معلومات نه شته.

login or register a new account.