سرپل (پژواک، ۱۳ تله ۱۴۰۳): د سرپل امنیه قومانداني وایي چې په دغه ولایت کې له پخوا پاتې د راکټ یوې مرمۍ چاودنې درې ماشومان وژلي او دوه نور یې ټپیان کړي دي.
د سرپل امنیې قوماندانۍ ویاند نقیبالله علمیار پژواک خبري اژانس ته وویل: «نن سهار شاوخوا ۸ بجې د صیاد ولسوالۍ په قفلاتون کلي کې له پخوا پاتې د راکټ پر یوې مرمۍ پنځو ماشومانو لوبې کولې چې پرې چاودلې ده.»
هغه وویل چې د دې چاودنې په پایله کې درې ماشومان وژل شوي او دوه نور ټپیان دي چې د امنیتي ځواکونو له خوا د سرپل ولایتي روغتون ته لېږدول شوي دي.
GET IN TOUCH
NEWSLETTER
SUGGEST A STORY
PAJHWOK MOBILE APP