کابل (پژواک، ۱۴ تله ۱۴۰۳): سیمهییز چارواکي وایي، په لوګر او فراه کې له دوو زرو کورنیو سره د خوراکي توکو او پنجشېر کې له دوو زرو بزګرانو سره د غنمو اصلاح شوي تخم او کیمیاوي سرې مرسته وشوه.
د لوګر ولایت د کلیو بیارغونې او پراختیا ریاست ویاند صبغتالله نایبخیل پژواک خبري اژانس ته وویل چې د دغه ولایت په څرخ ولسوالۍ کې له شاوخوا ۴۰۰ اړمنو کورنیو سره د خوراکي توکو مرسته وشوه.
دغهراز، د فراه ولایت د کلیو بیارغونې او پراختیا ریاست په خبرپاڼه کې راغلي چې د دغه ولایت په پرچمن ولسوالۍ کې له ۱۶۰۰ اړمنو کورنیو سره د خوراکي توکو مرسته وشوه.
یادې مرستې د ملګرو ملتونو د خوړولو نړسوال سازمان په مالي مرسته وېشل شوي او هرې کورنۍ ته ۵۰ کیلوګرامه اوړه، لس لېټره غوړي، لس کېلوګرامه دال، شپږ کیلوګرامه مالګه او یوه اندازه د ماشومانو تقویتي خواړه ورکړل شوي دي.
د یو بل خبر له مخې، د پنجشېر ولایت د اطلاعاتو او فرهنګ رئیس نصرالله ملکزاده وایي، د دغه ولایت په عنابه، رخه، دره، پریان او لومړۍ حصه ولسوالیو کې پر دوه زره بزګرانو د غنمو اصلاح شوی تخم او کیمیاوي سره ووېشل شول.
هغه وویل چې یاده مرسته د ملګرو ملتونو د خوړو او کرنې نړۍوال سازمان په مالي مرسته ترسره شوه او هر بزګر ته ۵۰ کیلوګرامه تخم او سل کیلوګرامه توره او سپینه کېمیاوي سره ورکړل شول.
Views: 0
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن