د فوټسال نړۍوال جام سیالۍ؛ ارجنټاین او برازیل نن پایلوبه ترسره کوي

کابل (پژواک، ۲۴ وږی ۱۴۰۳): د فوټسال نړۍوال جام سیالیو پایلوبه د برازیل او ارجنټاین ترمنځ نن ترسره کېږي.

د ۲۰۲۴ کال د فوټسال نړۍوال جام سیالۍ د افغانستان په ګډون د ۲۴ لوبډلو ترمنځ د ازبکستان په کوربه‌توب د تېرې وږي میاشتې په ۲۴مه پیل شوې وې.

همدارنګه، په یادو سیالیو کې ارجنټاین او برازیل وکولای شول پایلوبې ته لار ومومي او ترمنځ یې نن د افغانستان پر وخت د ماخوستن ۷ بجې پایلوبه ترسره کېږي.

په دغو سیالیو کې افغانستان له ارجنټاین، اوکراین او انګولا لوبډلو سره په یوه ګروپ کې شامل و.

افغانستان په ګروپي سیالیو کې انګولا ته ماته ورکړه، ارجنټاین او اوکراین ته یې لوبې وبایللې، خو دویم پړاو ته یې لار ومونده.

دغه راز، افغانستان په دویم پړاو کې پراګوای ته لوبه وبایله او له نړۍوال جامه ووت.