کابل (پژواک، ۱۷ تله ۱۴۰۳): د افغانستان د کډوالو او بېرته راستنېدونکو چارو وزارت وايي چې ۲۸ افغانان د پاکستان له زندانونو خوشي شوي دي.
د کډوالو او بېرته راستنېدونکو چارو وزارت پر خپله اېکسپاڼه لیکلي چې دغه شمېر کسان تېره ورځ د تورخم له لارې هېواد راستانه شوي دي.
سرچينې لیکلي، یاد ۲۸ کسان د قانوني اسنادو نه درلودو له امله له ۴۰ ورځو تر دوو میاشتو زندانیان وو.
د زمري میاشتې په ۲۱ مه د کډوالو چارو وزارت ویلي و، په تېر یو کال کې له ایران، پاکستان او یو شمېر نورو هېوادونو یو میلیون او ۸۷۰ زره افغانان هېواد ته راستانه شوي او دا مهال د ګاونډیو په ګډون یو شمېر عربي هېوادونو کې څه باندې ۱۶ زره افغانان بندیان دي.
Views: 0
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن