بدخشان کې د ترافیکي پېښې له امله درېیو کسانو ته مرګ‌‌‌ژوبله اوښتې

فیض‌اباد (پژواک، ۲۰ تله ۱۴۰۳): د بدخشان امنیه قومانداني وايي، د دغه ولایت په یاوان ولسوالۍ کې د ترافیکي پېښې له امله دوه کسان مړه شوي او یو بل ټپي دی.

د بدخشان د امنیې قوماندانۍ ویاند احسان‌الله کامګار وايي چې یاده پېښه پرون مازیګر د یاوان ولسوالۍ په «دره سري» سیمه کې شوې ده.

هغه زیاته کړه، یاده پېښه کې دوو کسانو ژوند له لاسه ورکړی او یو بل ټپي شوی دی.

د سرچینې د معلوماتو له مخې، د یادې پېښې قربانیان د کندوز اوسېدونکي وو.