کابل (پژواک، ۲۳ تله ۱۴۰۳): د روغتیا نړۍوال سازمان وايي، په تېره یوه اونۍ کې د افغانستان په کچه ۳۲۲۸ کسان د نسناستي پر ناروغۍ اخته شوي چې د تېرو اونیو په پرتله ۱۱،۷ سلنه کموالی ښيي.
د روغتیا نړۍوال سازمان نن په یوه راپور کې ویلي، په تېره یوه اونۍ کې د روان ۲۰۲۴ زېږدیز کال ( سپټمبر له ۲۹ د اکټوبر تر ۵ مې) د افغانستان په ۱۷۹ ولسوالیو کې ۳۲۲۸ کسان د نسناستي پر ناروغۍ اخته شوي دي.
په راپور کې راغلي چې دا شمېر د تېرو اونیو په پرتله ۱۱،۷ سلنه کموالی ښيي.
دغهراز، په راپور کې ویل شوي چې د دوو نجونو په ګډون تر پنځو کلونو کمعمره درې ماشومانو د دغې ناروغۍ له امله ژوند له لاسه ورکړی او د مرګ دا شمېرې په بدخشان او پکتیکا ولایتونو کې ثبت شوې دي.
د یاد سازمان د راپور د معلوماتو له مخې، د نسناستي تر ټولو لوړه کچه په پکتیا، نیمروز، لوګر او کابل ولایتونو کې وه.
د افغانستان د عامې روغتیا وزارت تراوسه د ډبلیواېچاو د دغه راپور په اړه څه نه دي ویلي.
Views: 0
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن