کابل (پژواک، ۲۴ تله ۱۴۰۳): د افغانستان کرکټ بورډ وايي چې د هېواد کرکټ الف لوبډله (افغان ابدالیان) نن له هانګکانګ لوبډلې سره پایلوبه ترسره کوي.
د افغانستان د کرکټ بورډ ویاند سیدنسیم سادات نن پژواک خبري اژانس ته وویل چې افغان ابدالیان لوبډله د درې اړخیزو سیالیو په لړ کې نن له هانګکانګ سره پایلوبه ترسره کوي.
دغه سیالۍ به نن د افغانستان پر وخت ماسپښین ۱:۳۰ بجه پیل شي.
همدارنګه د افغانستان، هانګکانګ او عمان ترمنځ دغه درې اړخیزه لوبلړۍ د روانې اکتوبر میاشتې په ۱۲مه په عمان کې پیل شوې وه.
دغه راز، په دغو سیالیو کې د افغانستان او هانګکانګ لوبډلو وکولای شول پایلوبې ته لار پیدا کړي.
د یادولو ده، د افغانستان کرکټ الف لوبډله به له یادو درې اړخیزو سیالیو وروسته په عمان کې د ترسره کېدونکي ایمرجېنګ جام سیالیو کې هم ګډون وکړي چې د روانې اکتوبر میاشتې په ۱۸مه پیلېږي.
GET IN TOUCH
NEWSLETTER
SUGGEST A STORY
PAJHWOK MOBILE APP