کابل (پژواک، ۲۹ تله ۱۴۰۳): د افغانستان کرکټ بورډ وایي چې د ایمرجېنګ اسیا جام شلاوریزو سیالیو په لړ کې د هېواد الف (افغان ابدالیان) لوبډله نن خپله دویمه لوبه له بنګلهدېش سره ترسره کوي.
د افغانستان د کرکټ الف (افغان ابدالیان) لوبډلې په ګډون د اتو هېوادونو ترمنځ د ځوانانو «ایمرجېنګ» اسیا جام شلاوریزې سیالۍ په عمان کې روانې دي.
کرکټ بورډ ویلي چې افغان ابدالیان لوبډله به د ځوانانو اسیا جام شلاوریزو سیالیو په لړ کې نن خپله دویمه لوبه د بنګلهدېش الف لوبډلې پر وړاندې ترسره کړي.
کرکټ بورډ زیاته کړې چې دغه سیالۍ به د افغانستان پر وخت د ماښام شپږ بجې پیل شي.
افغان لوبډلې په دغو سیالیو کې په خپلې لومړۍ لوبه کې سریلانکا لوبډلې ته ماتې ورکړې وه.
د یادونې ده، افغان لوبډله به په یادو سیالیو کې خپله درېیمه لوبه د اکتوبر په ۲۲مه له هانګکانګ سره ترسره کړي.
GET IN TOUCH
NEWSLETTER
SUGGEST A STORY
PAJHWOK MOBILE APP