کابل (پژواک، د لړم لومړۍ نېټه ۱۴۰۳): ټاکل شوې چې د افغانستان کرکټ الف (افغان ابدالیان) لوبډله د ځوانانو اسیا جام شلاووریزو سیالیو په لړ کې نن خپله درېیمه لوبه له هانګکانګ سره وکړي.
د افغانستان د کرکټ الف (افغان ابدالیان) لوبډلې په ګډون د اتو هېوادونو ترمنځ د ځوانانو «ایمرجېنګ» اسیا جام شلاووریزې سیالۍ په عمان کې روانې دي.
د افغانستان کرکټ بورډ د معلوماتو له مخې، افغان ابدالیان د ځوانانو اسیا جام شلاووریزو سیالیو په لړ کې نن له هانګکانګ سره لوبه ترسره کوي.
دغه سیالي به د افغانستان پر وخت د ماسپښین په ۱:۳۰ بجه پیل شي.
د یادونې ده، افغان لوبډلې په دغو سیالیو کې خپله لومړۍ لوبه کې سریلانکا او په دویمه لوبه کې بیا بنګلهدېش ته ماتې ورکړې ده.
GET IN TOUCH
NEWSLETTER
SUGGEST A STORY
PAJHWOK MOBILE APP