میدانښار (پژواک، ۲ لړم ۱۴۰۳): د میدان وردګو امنیه قومانداني وایي، د دغه ولایت د سیداباد ولسوالۍ اړوند د دوو ترافیکي پېښو له امله اتو کسانو ته مرګژوبله اوښتې.
د میدان ورګو ولایت د امنیه قوماندانۍ په خبرپاڼه کې راغلي چې دغه پېښې نن غرمه مهال د سیداباد ولسوالۍ اړوند د کابل – کندهار پرلویه لار د هفتاسیا او دشتټوپ په سيمو کې د پاسو او سراچې، ټوډي او سراچې موټرو د ټکر له امله پېښې شوې دي.
سرچېنې لیکلي چې په دغو پېښو کې یوې مېرمنې خپل ژوند له لاسه ورکړی او اووه تنه نور ټپیان دي.
امنیه قوماندانۍ لیکلي چې د یادو پېښو ټپیان د درملنې په موخه روغتون ته لېږدول شوي دي.
Views: 1
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن