کابل (پژواک، ۴ لړم ۱۴۰۳): د ځوانانو اسیا جام په روانو سیالیو کې نن د افغانستان د کرکټ الف (افغان ابدالیان) ملي لوبډله د هند له الف لوبډلې سره دویمه نیمه پایلوبه ترسره کوي.
د ځوانانو د اسیا جام سیالۍ چې په عمان کې روانې دي، پایلوبې ته یې د افغانستان، هندوستان، پاکستان او سریلانکا لوبډلو لار پیدا کړه.
د دغو لوبو لومړۍ نیمه پایلوبه به د سریلانکا او پاکستان الف لوبډلو ترمنځ نن ماسپښین یوهنیمه بجه او دویمه نیمه پایلوبه به د افغانستان او هندوستان د کرکټ د الف لوبډلو ترمنځ نن ماښام شپږ نیمې بجې د عمان په الامارت کرکټ لوبغالي کې ترسره شي.
افغان ابدالیان لوبډلې د دغو سیالیو په ګروپي پړاو کې سریلانکا او بنګلهدېش ته ماته ورکړه او په وروستۍ سیالۍ کې یې له هانکانګ لوبډلې ماتې ومنله.
د افغانستان لپاره په روانو سیالو کې پیلیز توپوهونکی صدیقالله اتل تر ټولو ښه ځلېدلی دی.
اتل د سر په لومړیو درېیو لوبو کې پرلپسې پنځوسیزې جوړې کړې دي.
GET IN TOUCH
NEWSLETTER
SUGGEST A STORY
PAJHWOK MOBILE APP