کابل (پژواک، ۷ لړم ۱۴۰۳): دوحه کې افغان سفارت وايي چې د افغانستان او قطر هېوادونو ترمنځ د مستقیمو الوتنو برخه کې هوکړهلیک لاسلیک شو.
دوحه کې د افغاستان سفارت نن پرخپله اېکس پاڼه لیکلي چې یاد هوکړهلیک د افغانستان د ټرانسپورټ او هوانوردۍ وزارت مرستيال ملا عبدالسلام حيدري او د قطر د هوايي ملکي چلن ادارې سرپرست محمدفالح الهاجري ترمنځ لاسلیک شو.
سرچینې زیاته کړې: «د افغانستان او قطر هېوادونو ترمنځ د پروازونو په برخه کې توافقنامه لاسليک شوه.»
سرچینه زیاتوي، د دغه هوکړهلیک له مخې د افغانستان او قطر هېوادونو ترمنځ مستقيم پروازونه پيلېږي.
په دې مراسمو کې د قطر هېواد د ټراسپورټ او هوانوردۍ وزير جاسم بن سیف السیلطي او دوحه کې د اسلامي امارت سفارت سرپرست ډاکتر محمدنعیم حضور درلود.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن