لغمان کې د ترافیکي پېښې له امله یوه ماشوم خپل ژوند له لاسه ورکړی

مهترلام (پژواک، ۱۲ لړم ۱۴۰۳): د لغمان ولایت د ترافیکو مدیریت وایي، د دغه ولایت په قرغیو ولسوالۍ کې د یوې ترافیکي پېښې له یوه ماشوم خپل ژوند له لاسه ورکړی دی.

د لغمان ولایت د ترافیکو مدیر مولوي حبیب الله مبارز پژواک خبري اژانس ته وویل یاده پېښه کې نن ماسپښین شاوخوا درې بجې د قرغیو ولسوالۍ اړوند د چهار باغ په سیمه کې رامنځته شوې ده.

هغه وویل چې په یاده سیمه کې یو ماشوم د سړک پر غاړه روان و چې یوه موټر وهلی او له ټپي کېدو وروسته یې په روغتون کې ساه ورکړ.

د نوموړي په وینا، د پېښې په تړاو یې دو تنه نیول شوي او له څېړنو وروسته به عدلي او قضایي اورګانونو ته وسپارل شي.