بادغیس کې د ترافیکي پېښې له امله څلورو کسانو ته مرګ‌ژوبله اوښتې

قلعه‌نو (پژواک، ۲۷ لړم ۱۴۰۳): د بادغیس امنیه قومانداني وایي، په دغه ولایت کې د ترافیکي پېښې له امله یوه تن خپل ژوند له لاسه ورکړی او درې نور ټپیان شوي دي.

د بادغیس ولایت د امنیه قوماندانۍ په خبرپاڼه کې راغلي چې دغه پېښه نن له غرمې وروسته د دغه ولایت د څلورمې امنیتي حوزې اړوندسیمه کې د یوه موټرسایکل د چپه کېدو له امله رامنځته شوې ده.

سرچېنې لیکلي چې په یاده پېښه کې یوه تن خپل ژوند له لاسه ورکړی او درې تنه نور ټپیان شوي دي.

امنیه قوماندانۍ لیکلي، ټپیان د درملنې لپاره روغتون ته لېږدول شوي دي.