بلخ کې یو چینایي سوداګر د اسلام پر مبارک دین مشرف شو

مزارشریف (پژواک، ۲۷ لړم ۱۴۰۳): د بلخ ولایت مقام وایي چې د وانک فیکي په نوم یو چینایي سوداګر د اسلام پر دین مشرف شو او د عبدالله محمد نوم ورکړل شو.

د بلخ ولایت مقام په خپره شوې خبرپاڼه کې راغلي، بلخ ولایت مقام کې د چین هېواد سوداګر وانګ فیکي تازه مسلمان شو او اسلامي نوم یې عبدالله محمد ونومول شو.

خبرپاڼه زیاتوي: «عبدالله محمد غواړي بلخ ولایت کې د اسلامي امارت سره په یو شمېر تولیدي فابرېکو جوړولو کې همکاري وکړي، تازه یې په بلخ ولایت مقام کې د یو مجلس په ترڅ کې د اسلامي امارت تر قیادت لاندې د لآ اِلَهَ اِلّا اللّهُ مُحَمَّدٌ رَسُوُل اللّهِ کلمه وویل او د اسلام پر مبارک دین مشرف شو.»

دا په داسې حال کې ده چې له دې مخکې هم یو شمېر بهرنیان په افغانستان کې د اسلام پر مبارک دین مشرف شوي دي.