<p style="text-align: justify;">کابل (پژواک، ۲۹ لړم ۱۴۰۳): پاکستاني رسینو ويلي، ناپېژانده وسلهوالو د خیبر پښتونخوا په بنو کې د پولیسو پر یوه پوسته برید کړی او اووه پولیس یې له ځان سره بیولي دي.</p>
<p style="text-align: justify;">د پاکستان <strong><a href="https://www.geo.tv/latest/575041-seven-policemen-abducted-from-kps-bannu-district">جيو</a> </strong>ټلوېزیون د راپور له مخې، سيمه کې د پولیسو افسر ضیاءالدین ورته ویلي چې تېره ورځ مازدیګر ناپېژانده وسلهوالو په بنو کې د «روچه» پر پوستې برید وکړ او اووه پوليس یې له وسلو سره نامعلوم ځاى ته لېږدولي دي.</p>
<p style="text-align: justify;">د جيو د راپور له مخې، یاد شوي پوليس سليم، عقيلرحمان، ميوهجان، روشن، عبدالمالک، نعمتالله او شادمحمد نومېږي.</p>
<p style="text-align: justify;">سرچينه زیاتوي، دا په داسې حال کې ده چې د روانې میلادي مياشتې په سر کې د بنو په «بکاخېل پوليس سټېشن» سيمه کې ناپېژانده وسلهوالو د پوليسو يو افسر له خپل کوره تښتولی و .</p>
