غور کې پر شپږو کسانو د تعزیري سزا حکم تطبیق شو

فېروزکوه (پژواک، ۸ لېندۍ ۱۴۰۳): د غور ځایي مسوولین وایي چې د دغه ولایت د مرافعې محکمې د سزا دیوان د پرېکړې له مخې، پر شپږو مجرمینو د تعزیري سزا حکم تطبیق شو.

د غور مقام د رسنیو دفتر په یوې خبرپاڼې کې ویلي: «دغو کسانو کې دوه یې پر پنځو میاشتو تنفذي حبس او ۲۵ دُرو، یو یې پر څلورو میاشتو تنفذي بند او ۳۰ دُرو، یو تن یې پر دو کلونو تنفذي حبس او ۲۷ دُرو، یو یې د یو کال پر تنفذي بند او ۳۹ دُرو او یو بل پر ۳۹ دُرو تعزیري سزا محکوم شول.»

سرچینې لیکلي چې یاد کسان د اخلاقي فساد، زنا او لواطت جرمونو له امله پر مجازاتو محکوم شوي وو.

د خبرپاڼې له مخې، دغه پرېکړه د سترې محکې له تایید وروسته پر دغو کسانو د فېروزکوه ښار ورزشي لوبغالي کې تطبیق شوه.