کابل (پژواک، ۱۱ لېندۍ ۱۴۰۳): د کرکټ نړۍواله شورا (ایسيسي) وایي، د هندوستان هېواد جې شاه نن د دې ادارې د نوي مشر په توګه دنده پیل کړه.
د کرکټ نړۍوالې شورا پر خپله فېسبوک پاڼه کې لیکلي، جې شاه نن د کرکټ نړۍوالې شورا د نوي رییس په توګه دنده پیل کړه.
جې شاه له دې مخکې د هند د کرکټ بورډ د مشر په توګه او د کرکټ اسیایي شورا د رییس په توګه هم دندې ترسره کړې دي.
دا په داسې حال کې ده چې له دې مخکې د نیوزلېنډ هېواد «ګریک بارکلي» له تېرو څلورو کلونو راهیسې د ایسيسي د مشر په توګه دنده ترسره کوله چې د روان کال د تېرې نومبر میاشتې په ۳۰مه یې دنده پای ته ورسېده.
GET IN TOUCH
NEWSLETTER
SUGGEST A STORY
PAJHWOK MOBILE APP