د نیمروز او سپین‌بولدک ګمرکونو کې د ارشیفونو جوړولو چارې پیل شوې

کابل (پژواک، ۱۹ لېندۍ ۱۴۰۳): د مالیې وزارت وايي، د نیمروز او سپین‌بولدک ګمرکونو کې د ۱۹،۲ میلیون افغانیو په لګښت د ارشیفونو جوړولو چارې پیل شوې.

مالیې وزارت پر خپله اېکس‌پاڼه لیکلي چې د یادو ارشیفونو لګښت د دغه وزارت له پراختیایي بودجې ورکول کېږي او د جوړولو چارې به یې تر راتلونکو لسو میاشتو پورې بشپړې شي.

سرچینې زیاته کړې، د دغو ارشیفونو په جوړېدو سره به د ګمرکي سندونو خوندي ساتلو برخه کې ګڼي اسانتیاوې رامنځته شي.

د مالیې وزارت په حواله، د دغه وزارت له لوري د هېواد د ګمرکونو د عصري کولو، د سوداګرو لپاره د اسانتیاوو برابرولو او په هېواد کي د سوداګرۍ د لا ودې په موخه ګڼي ګمرکي پروژې پلې شوې او یو شمېر یې د پلې کېدو په حال کي دي.