کابل (پژواک، ۲۱ لېندۍ ۱۴۰۳): د ملګرو ملتونو د استازولۍ دفتر (یوناما) اعلان کړی چې د دغه سازمان امنیت شورا سبا (پنجشنبه) د افغانستان په اړه ناسته ترسره کوي.
يوناما نن (چهارشنبه) پر خپله اېکسپاڼه په یوه پیغام کې ویلي چې د یوناما مشره روزا اوتونبایوا به د ملګرو ملتونو د امنیت شورا ته د افغانستان وضعیت تشریح کړي.
سرچینې زیاته کړې، یاده ناسته به سبا د افغانستان پر وخت ۷:۳۰ بجې پیل شي.
د روان کال د لېندۍ په ۱۲مه د ملګرو ملتونو د امنیت شورا د یوې اعلامیې له لارې د یادې ناستې په اړه خبر ورکړی و.
د یادې اعلامیې له مخې، دې ناسته کې به روزا اوتونبایوا، د افغانستان د تحریمونو کمېټې د رییسې په توګه د اکوادور سفیره اندرس مونتالوو سوسا او د ملګرو ملتونو د بشردوستانه مرستو همغږي کوونکي دفتر یو چارواکی بیانیه ورکړي.
GET IN TOUCH
NEWSLETTER
SUGGEST A STORY
PAJHWOK MOBILE APP