کابل (پژواک، ۶ مرغومی ۱۳۰۴): د ریاستالورزاء سیاسي مرستیال وایي، اسلامي امارت په افغانستان کې هیڅ وسلهوالې ډلې ته د فعالیت اجازه نه ورکوي او په خبره یې چې پر افغانستان د ناسمو تورونو لګول هم ګټه نه لري، بلکې د اړیکو د خرابېدو او تاوتریخوالي سبب کېږي.
د ریاستالوزراء سياسي مرستیال مولوي عبدالکبیر پرون د کابل پوهنتون د ۱۴۰۳ کال د محصلانو په فراغتغونډه کې د وینا پرمهال ويلي، اسلاميامارت له افغانانو څخه په دفاع کې هیڅ ډول ځنډ نه کوي او نه هم افغان حکومت د کوم لوري فرمایشونو ته غاړه ږدي.
نوموړي دغه راز ویلي: «اسلامي امارت په خپله خاوره کې وسلهوالو ډلو ته د فعالیت اجازه نه ورکوي او پر افغانستان د ناسمو تورونو لګول نه يوازې ګټه نه لري، بلکې د اړيکو د خرابېدو او تاوتريخوالي سبب کېږي.»
هغه زیاته کړې، کابل پوهنتون د هېواد په کچه په علمي ډګر او د ځوانانو په روزنه کې اغیزناکه ونډه لري او اسلاميامارت د تحصيلي بنسټونو فعالیت ته اړينې اسانتياوې چمتو کړې او دا ځوانان دا مهال د عصري زدهکړو تر څنګ پر ديني روحيه روزل کېږي.
سیاسي مرستیال ویلي، د هېواد تحصیلي نظام د اسلامي او افغاني ارزښتونو په رڼا کې کار کوي او د كوم لوري تر تاثير لاندې نه دی.
د یادونې ده چې مولوي عبدالکبیر دوه ورځې مخکې په پکتیکا ولایت کې یوې غونډې ته ویلي وو، اسلامي امارت هېواد کې د فقر کچې را ټیټولو لپاره هڅې پیل کړې دي او په نږدې راتلونکې کې به د افغانستان ملي اقتصاد لا پیاوړی شي.
GET IN TOUCH
NEWSLETTER
SUGGEST A STORY
PAJHWOK MOBILE APP