<p style="text-align: justify;">کابل (پژواک، ۲۹ مرغومی ۱۴۰۳): د راپورونو له مخې، د خیبرپښتونخوا کرمې ته په روان کاروان باندې برید شوی چې په پایله کې لس کسان وژل شوي او شپږ موټرچلوونکي یرغمل شوي دي.</p>
<p style="text-align: justify;">د امریکا غږ راپور له مخې، دغه برید تېره ورځ شوی دی.</p>
<p style="text-align: justify;">راپور کې راغلي، دغه کاروان چې په خیبرپښتونخوا ایالت کې په فرقهییزو جګړو کې ښکېلې سیمې ته یې مالونه لېږدول، وړمه ورځ له کمین سره مخ شوی.</p>
<p style="text-align: justify;">د ۳۳ لاریو دغه کاروان د ځایي سوداګرو وريجې، اوړه، غوړي لېږدول او په درملو او نورو اړینو مرستو بار دوه موټر هم په کې شامل دي.</p>
<p style="text-align: justify;">د پولیسو یو ځایي مشر د نوم نه ښودلو په شرط فرانس پرس ته ویلي: «په مړو کې دوه پولیس، څلور موټر چلوونکي او څلور نور ملکي خلک شامل دي او داسې راپورونه دي چې پنځه یا شپږ موټرچلوونکي د ځايي قبیلو له خوا تښتولی شوي دي.»</p>
<p style="text-align: justify;">د کرمې سیمه له څو لسیزو راهیسې د سني او شیعه مذهبو ترمنځ د تاوتریخوالي ښکار شوې خو د نومبر میاشتې راهیسې په دې سیمه کې د مذهبي ډلو ترمنځ په تازه جګړو کې شاوخوا ۱۴۰ کسان وژل شوي دي.</p>
<p style="text-align: justify;">له دې مخکې هم وسلهوالو په یاده سیمه کې د مرستو پر یوه کاروان برید کړی و چې د سیمهییزو ادارو یو شمېر مامورین او د هغوی امنیتي ساتونکي په کې ټپیان شوي وو.</p>
