اروزګان کې د نشه‌یي توکو د پروسس یوه کارخونه کشف  او له منځه یوړل شوه

ټرینکوټ (پژوک، ۳ سلواغې ۱۴۰۳): د اروزګان امنیه قومانداني وایي، د دغه ولایت د مرکز ټرېنکوټ ښار په شاه منصور سیمه کې یې د نشه‌یې توکو د پروسس یوه کارخونه کشف او له منځه وړې ده او په تړاو یې څلور کسان هم نیول شوي.

د اروزګان ولایت د امنیه قوماندانۍ ویاند بلال اروزګاني پژواک خبري اژانس ته د یادو څرګندونو ترڅنګ وویل چې له یادې کارخونې  ٣ زره او ١٩٠ کیلوګرامه میده سوي ومان ، ٧٣٠ لیټره ډیزل، ٢٠ لیټره تېزاب، ١٧ بېلر، ١ موټرسایکل او ٦ کیلوګرامه ایف مواد هم ترلاسه شوي دي.

دی وایي چې په دې تړاو یې څلور کسان نیولي او له څېړنو وروسته به عدلي ارګانونو ته وسپارل شي.