کرزي او د ایران سفیر پر نړۍوالو تحولاتو خبرې کړې

کابل (پژواک، ۳ دلو ۱۴۰۳): کابل کې د ایران سفارت وايي، د دغه سفارت سرپرست د افغانستان له مخکیني ولسمشر حامد کرزي سره لیدلي او د نړۍوالو تحولاتو په اړه یې خبرې کړې دي.

کابل کې د ایران سفارت پر خپله اېکس‌پاڼه لیکلي چې د یاد سفارت سرپرست علي‌رضا بیکدلي د افغانستان له مخکني ولسمشر حامد کرزۍ سره لیدلي او د نړۍوالو تحولاتو په اړه یې خبرې اترې کړې دي.

سرچینې په دې اړه نور جزییات نه دي ورکړي.

دا په داسې حال کې ده چې تېره ورځ هم بیکدلي د بهرنیو چارو وزارت له سرپرست مولوي امیرخان متقي سره په لیدنه کې د سوداګریزو او لېږد رالېږد مسایلو، روغتیايي او کرنیزو برخو او سیاسي همکاریو په اړه خبرې کړې وې.