لغمان کې شپږو کسانو ته تعزیري سزا ورکړل شوه

کابل (پژواک، ۸ کب ۱۴۰۳): ستره محکمه وایي، په لغمان ولایت کې شپږو کسانو ته په عام محضر کې تعزیري سزا ورکړل شوه.

د سترې محکمې په خبرپاڼه کې راغلي چې د لغمان ولایت د الیشنګ ولسوالۍ ابتدائیه محکمې د پرېکړې له مخې، شپږو کسانو ته د بېلا بېلو جرمونو له امله نن تعزیري سزا ورکړل شوه.

خبرپاڼه کې راغلي، د مرافعې محکمې رئيس عبدالکریم حقاني راغلو کسانو ته د تعزيراتو او حدودو په ارزښت هر اړخيزه وينا وکړه او زياته يې کړه، چې حدود او تعزيرات د ټولنې د اصلاح لپاره مهم اصل ګڼل کېږي.