کابل (پژواک، ۲۰ کب ۱۴۰۳): د سرحدي پولیسو ریاست وایي، د روان لمریز کال په اوږدو کې یې د ۳۵۱ کیلوګرامه ګرانبیه ډبرو او نږدې څلور کیلوګرامه سرو زرو د قاچاق مخنیوی کړی دی.
د سرحدي پولیسو لوی ریاست ویاند، عابدالله فاروقي په یوه خپره شوې وېډیو کې ویلي چې د دغه ریاست د ځواکونو یوه له مهمو دنده څخه د هېواد په هوایي ډګرونو او بندرونو کې د قاچاق مخنیوی دی.
هغه ویلي چې د دغه ریاست منسوبینو د روان ۱۴۰۳ لمریز کال کې په اوږدو کې د ۳۵۱ کیلوګرامه قیمتي ډبرو، د نږدې څلور کیلوګرامه سرو زرو، نږدې ۳۰۰ زرو امریکایي ډالرو او ۱۹ لکه پاکستانۍ کلدارو د قاچاق مخنیوی کړی دی.
هغه د جزییاتو له ورکولو پرته ویلي، هېچا ته اجازه نه ورکوي چې په هېواد کې راغلی امن ګډوډ او له هېواده توکي قاچاق کړي.
GET IN TOUCH
NEWSLETTER
SUGGEST A STORY
PAJHWOK MOBILE APP