کابل (پژواک، ۲۰ کب ۱۴۰۳): ملګرو ملتونو ویلي چې په افغانستان کې د دغه سازمان د سرمنشي ځانګړې استازې روزا اوتونبایوا به نن د افغانستان په اړه ناسته کې د دغه هېواد د وضعیت په اړه خپل راپور وړاندې کړي.
یوناما په یوه خبرپاڼه کې لیکلي چې دغه غونډه به نن (دوشنبه، د کب ۲مه) د امریکا په نیویارک کې د ملګرو ملتونو د سازمان په مرکزي دفتر کې جوړه شي.
دغه ناسته د ډنمارک د نوبتي ریاست په مشرۍ جوړېږي.
دا په داسې حال کې ده چې د ملګرو ملتونو امنیت شورا د روانې مارچ میاشتې په ۱۷مه هم د افغانستان په اړه ناسته کوي چې په افغانستان کې به یوناما د ماموریت غځېدو په تړاو په کې خبرې وشي.
د اسلامي امارت ویاند ذبیحالله مجاهد له دې مخکې ویلي وو چې اړتیاوو ته په کټو په افغانستان کې د یوناما ماموریت اغېزناک نه دی.
GET IN TOUCH
NEWSLETTER
SUGGEST A STORY
PAJHWOK MOBILE APP