امریکا کې د توپان او سختو بادونو له امله ۳۴ کسانو ژوند له لاسه ورکړی

کابل (پژواک، ۲۶ کب ۱۴۰۳): امریکايي رسنیو راپور ورکړی چې د دغه هېواد په لوېدیځو او سوېلي سیمو کې د سختو بادونو له امله تر اوسه ۳۴ کسانو ژوند له لاسه ورکړی دی.

ای‌بی‌سی نیوز راپور ورکړی چې د یادو بادونو له امله یو شمېر کسان ټپیان شوي هم دي او ډېر مالي تلفات یې اړولي دي.

راپور ورکړل شوی چې تر اوسه څه باندې ۴۰ ګردبادونه راغلي او سرعت یې په ساعت که څه باندې ۱۳۰ کیلومتره ښودل شوی دی.

د راپور له مخې، توپانونو ودانۍ ورانې کړې، د برېښنا د تامینولو سیسټم یې خراب کړی او څه باندې سل ځنګلي اورلګېدنې یې پراخې کړې دي.

راپور کې زیاته شوې په داسې حال چې توپان په سیمه کې خپل مسیر ته دوام ورکوي، میلیونونه کسان اوس هم له خطر سره مخ دي.

د امریکا په فلورېډا کې د توپان له امله ۱۶ کسان مړه شوي

امریکایي رسنیو راپور ورکړی چې د دغه هېواد په فلورېډا ایالت کې د میلټون توپان له امله چې له دوړو او خاور سره مل و، تر اوسه ۱۶ کسان مړه شوي دي.

امریکا کې د توپان او سېلابونو له امله ۱۰ کسانو ژوند له لاسه ورکړی

امریکايي رسنیو راپور ورکړی چې د امریکا په څو ایالتونو کې د سېلابونو او توپان له امله ۱۰ کسانو ژوند له لاسه ورکړی دی.

د امریکا لاس‌انجلس کې اورلګېدنې تر اوسه د ۱۶ کسانو ژوند اخیستی

امریکايي رسنیو راپور ورکړی چې د کلیفورنیا ایالت په لاس‌انجلس ښار کې د اورلکېدنې له امله د مړه شوو کسانو شمېر ۱۶ ته لوړ شوی او څه باندې ۱۲ زره کورونه هم ویجاړ شوي دي.