کابل (پژواک، ۲۷ کب ۱۴۰۳): د راپورونو له مخې، په یمن کې د امریکا په هوایي بریدونو کې ۵۳ کسانو ژوند له لاسه ورکړی او ۹۸ نور ټپیان دي.
د بيبيسي راپور له مخې، امریکا تېره ورځ اعلان وکړ چې په یمن کې یې د حوثیانو پر مرکزونو بریدونه کړي او د هغوی ځينې چارواکي یې وژلي دي.
راپور کې د حوثیانو د روغتیا سازمان ویاند، انیس الاصبحي له قوله راغلي چې په دغو بریدونو کې د وژل شوو کسانو شمېر ۵۳ او د ټپیانو شمېر ۹۸ تنه دی.
د امریکا ولسمشر ډونالډ ټرمپ پر خپله اېکسپاڼه لیکلي، حوثیانو چې د ایران له خوا يې ملاتړ کېږي، پر امریکایي الوتکو توغندي توغولي او د امریکا سرتېري او متحدین یې په نښه کړي دي.
د راپور له مخې، حوثیانو ویلي، د امریکا هوايي بریدونو ته به په بشپړ ځواک سره ځواب ورکړي او دوی یوازې هغه کښتۍ په نښه کوي چې اسرائیلو، امریکا او یا بریتانیا پورې تړاو ولري.
